الناس ضميرها مات
أوّل امبارح نزلت السوق مع المدام نجيب موبيليا جديدة من شركة شاهر .. طلعوا حراميّة .. ولاد الأرندلي باعوا لي 3 أوض كاملة بـ 125 جنيه .. ولمّا اديت لموظّف الخزينة ورقة بـ 200 جنيه اتحجّج بإن ما معاهوش غير تمانية جنيه بس فكّة .. فاضطريت آخد بالباقي أوضة نوم وأوضة سفرة .. بصراحة مش عارف أعمل إيه بالعفش الزيادة وبالتمانية جنيه اللي فاضلين .. مراتي نصحتني اكمّل عليهم بالتلاتة جنيه اللي اتبقّوا من مصروف امبارح وأأجّر الشقّة اللي قصادنا واتجوّز تاني بدل ما العفش يتركن من غير لزوم .. بصراحة مش باحبّذ الحل ده .. ما هو مش كل مرّة انزل السوق اضطر اتجوّز بالباقي .. دي تالت مرّة الشهر ده.