الجُمرُك تهريبٌ وتهليبٌ وإصلاح
- إش إش .. إيه الطقم الحلو ده يا ابن "إصلاح"
.. أيوَه يا سيدي .. ماشية معاك .. شُغلك ف الجُمرُك مروَّقك ع الآخر .. شكلك طلعت
بتَهريبتين حلوين م المينا الأسبوع ده.
- يا عَم مِش مسألة تَهريب .. دي حَداقة ومَفهوميّة
.. والراجِل الجَدَع ف الزمان ده هوَّ اللي يقدَر يجيب القِرش مِن حَنَك السَبع ..
آني اليومين دول دايس ف عمليّة لوز اللوز .. باطلَع مِنها بعشر تلاف جِنِي يوماتي ..
وانتَ مِش غَريب .. ح اقول لك عليها .. بقى آني يوماتي اطلع من بوَّابة المينا
وشايل ورايا ع الموتوسيكل كَرتونة كبيرة قَد الداهية ولمّا ييجوا يفتِّشوا الكَرتونة
يلاقوها مَليانة قَش وما فيش فيها حاجة غير دَستة ساعات يَد صيني ما تساويش كام
لَحلوح محطوطة ف قَعر الكَرتونة .. يقوموا مجَمركِّينّي قِرشين هايْفين ..
فاكرينّي اهبل وحَد ف المينا بيضحك عليَّ ويبيع لي الساعات دي بالشئ الفُلاني ..
كُل يوم على كِده يا بني .. نَفس الكَرتونة اللي وَرايا عَ الموتوسيكل ونَفس القَش
ونَفس الساعات ونَفس القِرشين اللي بادفَعهُم جُمرُك و....
- ما تكمِّلش .. أَنا عَرفت .. إنتَ أكيد بتهرَّب
حاجة جُوَّه ساعات اليَد دي .. صَح؟
- لأ يا دغُف .. آنى باهَرَّب موتوسيكْلات!