ما تغرّبيناش
ما تغرّبيناش وتقولي
قَدَر
ما تتوّهيناش ف
مواني سَفَر
ما تضيّعيناش ف دموع
وفراق
ح تجيبي منين زيّنا
عُشاق
ف قلوبنا حصاد .. ف
عينينا مَطَر
ما تغرّبيناش
ما تغرّبيناش ف
الأرض البور واحنا الزُرّاع
وإيدينا سواقي فَرَح
بتدور رَغم الأوجاع
إحنا الشاريين
فدادين النور لو خاين باع
ما تغرّبيناش
ما تغرّبيناش ف بلاد
بتموت واحنا الخالدين
يا أوّل زَرْع وأوّل قوت ويا أوّل دين
العُمْر بدونِك ليل
بيفوت مهزوم وحزين
ما تغرّبيناش
ما تغرّبيناش ف بلاد
الريح واحنا الأحباب
إحنا اللي رفضنا
تكوني ضريح ف زَمَن كدّاب
ضَللي بالحب على
المجاريح وكفاية غياب
ما تغرّبيناش