الأهلي يعني الدهب
عن عظمة "الأهلي" .. كل الكلام
متعاد
ح تعد ف البطولات؟ .. ح تقلب العدّاد
واِن تٌهت ف العنوان .. إسأل عن الأسياد
إسأل عن البطولات .. وهزّة الاستاد
وفرحة الأولاد ورجّة الجماهير
ما كبير يا "أهلي" كبير
إحنا فريق العز والفرحة والمكسب
"الأهلي" لمّا يفِّز .. اسأل عليه
الملعب
إحنا فريق الوطن يا "سعد" يا
"زغلول"
يوم جيت من المنفى .. إحكي يا
"سعد" وقول
إحكي على الجماهير والانجليز خايفين
"ثروت" وكل النادي م الفجر كانوا
واقفين
"الأهلي" كان ع البر
و"سعد" وصل العصر
استقبله النادي رافعين رايات النصر
"الأهلي" مش كورة
"الأهلي" من يومه رمز لكرامة
"مصر"
إحكي يا "أهلي" احكي
يا فرحتي وضحكي
يا لمّة الأبطال
يا نسرنا العالي أجيال ورا أجيال
يا طرح عزم وصبر وجهد ورجولة
يا مفرّح العشّاق بطولة ف بطولة
ومربّي جيل ع الأدب من خطوته الأولى
من لمّا كان ناشئ
لحد ما بيكبر على حب ومبادئ
على اسم نادي الكون ورموزه ورجاله
جبل ما يتهزّش لو حتى مين جا له
احنا فريق القيم والانتماء والأدب
احنا فريق العرق والاجتهاد والدأب
احنا حصاد التعب لو النفوس بارّة
"الأهلي" يعني الدهب واسأل عليه
القارّة