أشكي لمين؟
أشكي لمين واحكي لمين؟
دُنيا بتلعَب بينا
تُهنا سنين ولا عارفين
بُكرة جايب إيه لينا؟
بينا للفرح بينا
قَبل الجراح ما تدُق بابنا
بينا دي الدُنيا لينا
بُكرة الزَمان يسرَق شَبابنا
ليه ح نضيَّع عُمرنا ليه؟
إيه راح ناخُد من ده إيه؟
إيه راح ناخُد من ده إيه؟
*****
هُمَّ يومين مُش دايمين
مَكتوبين علينا
نِقضي ساعات فَرحانين
وساعات بتبكّينا
لينا الفَرحة لينا
بالحُب نِنسى كُل اللي فاتنا
ويّا الرِحلة الطَويلة
نِنسى اللي فات كُله ف حياتنا
دُنيا بتلعب بينا ليه؟
إيه راح ناخُد منها إيه؟
إيه راح ناخد منها إيه؟
*****
ضِحكِتنا .. شَمعِتنا
بينوَّروا لَيالينا
خَطوِتنا .. رِحلتنا
بتقَرَّب أمانينا
لينا أحلى أمانينا
ليه الزَمان يكسَر قُلوبنا
جينا ومادّين إيدينا
واللي يصيبنا أهو من نَصيبنا
دُنيا بتِلعَب بينا ليه؟
إيه راح ناخُد منها إيه؟
إيه راح ناخُد منها إيه؟
*****
دُنيا تدور مَهما تدور
ما هي بتدور سَواقينا
ف عَطَشنا .. ف ألَمنا
ما بتِنساش تداوينا
لينا أحلى أمانينا
ليه الزَمان يكسَر قُلوبنا
جينا ومادّين إيدينا
واللي يصيبنا أهو من نَصيبنا
دُنيا بتِلعَب بينا ليه؟
إيه راح ناخُد منها إيه؟
إيه راح ناخُد من ده إيه؟