اسكندريّة بتاعتي
اسكندريّة بتاعة الناس ف كوم
واسكندريّة بتاعتي كوم تاني
اسكندريّة اتهرِت أشعار وأغاني
اسكندريّة الشَغَف واسكندريّة
الصَبر
اسكندريّة الدَلَع واسكندريّة
النار
اسكندريّة بتاعتي بَسْ اللي اتعمَل
للعِشْق فيها فَنار
يا اسكندراني جَدَع زَهقان لَكِن
مَحسود
عُمرَك ما لـمّـيت وَدَع ولا خَدت
صَدمة يود
شَبعان هَواها النَدي وسِحرها
الولّاد
إحنا اللي بنجيلها سِكّة بلاد
وبلاد
نِلقاها حافظانا وحافظة أسامينا
فنغني لهَواها:
"طاير يا هَوا .. طاير ع المينا"