أقوال تاريخية مأثورة | خذوا الحكمة من على ضهر التكاتك

ع الأصل دوَّر

 

 

وبعد أن ارتشف قليلاً من الماء عاود الداعية الإسلامي محاضرته التي كان يُلقيها في الجامعة الأمريكيّة عن بداية خلق الإنسان فقال:

-       وهكذا خلق الله آدم وحوّاء وذريّتهما واستخلف الإنسان في الأرض لعبادته وعمارتها و.....

وفجأة انتفض أحد الطلبة واقفاً وصاح بصوْتٍ عالٍ:

-       كلامك – يا شيخنا – مش علمي .. "داروين" شرح في كتابه "أصل الأنواع" نظريّة النشوء والارتقاء اللي بتقول إن الإنسان أصله "أوسترالوبيثيكوس" .. والكلام ده أيّده علماء الأنثربولوجي والوراثة والحفريّات والتاريخ الطبيعي والأحياء وغيرهم.

-       ويطلع إيه الـ"أسترابيكوس" ده؟!

-       اسمه "اوسترالوبيثيكوس" .. ده أحد سُلالات القِرَدة العُليا من عائلة الشيمبانزي اللي كانت بتمشي على قدمين وقبل ما تنقرض اتطوَّرت لسُلالة تُشبِه الإنسان .. يعني باختصار كده: الإنسان من نسل القرود.

-       عائلة الشمبانزي!! .. بس ده يا ابني بيتعارض مع كل الأديان السماويّة .. إنت ديانة أهلك إيه؟

-       حضرتك ما لكش دعوة بأهلي .. أنا لا ديني أصلاً.

-       مُلحِد يعني .. عموماً ربنا بيقول إن احنا كلّنا من ذُريّة آدم وحوّا .. وانتَ و"داروين" وأمثالكم بتقولوا إن الإنسان من عائلة القرود .. صَح؟

-       صَح.

-       خلاص .. كل واحد حُـر ف عيلته.