أقوال تاريخية مأثورة | خذوا الحكمة من على ضهر التكاتك

"شَعبان" البقّال

 

 

"شَعبان" البقّال

عُقبى للأنجال

اتوظَّف واتنضَّف

واتعدِّل لُه الحال

 

"شَعبان" البقّال

عُقبى للأنجال

اتوظَّف واتنضَّف

واتعدِّل لُه الحال

 

من بعد الجلابيّة

والفوطة الدَبَلان (نوع من القماش الرخيص)

ف رقبته المهريّة

من هَبْش الأكلان (نوع من الحشرات)

والدوخة الأزليّة

والنوم ف الدُكّان

بقى صاحِب عربيّة

وعمارة وسُكّان

"شعبان" البقّال! ..

"شعبان" البقال!!!

 

من بعد الجلابيّة

والفوطة الدَبَلان (نوع من القماش الرخيص)

ف رقبته المهريّة

من هَبْش الأكلان (نوع من الحشرات)

والدوخة الأزليّة

والنوم ف الدُكّان

بقى صاحِب عربيّة

وعمارة وسُكّان

"شعبان" البقّال! ..

"شعبان" البقال!!!

 

تِلقاه للصُبحيّة

سَهران ع الكونكان (لعبة قُمار)

تِلقاه للصُبحيّة

سَهران ع الكونكان

وينام للعَصريّة

كبقية الأعيان

"شعبان" البقّال! ..

"شعبان" البقال!!!

 

تِلقاه للصُبحيّة

سَهران ع الكونكان

تِلقاه للصُبحيّة

سَهران ع الكونكان

وينام للعَصريّة

كبقية الأعيان

 

وسألت الخُضَريّة

وبتوع الدُخّان (السجائر)

ع الحِكمة الإلهيّة

ف نَضافة "شَعبان"

وعرفت إن أخانا

"شَعبان" ابن "بَهانة"

إتجوِّز فنّانة .....

واتعيّن فنّان!!!

 

 

أحمد فؤاد نجم