السكوت من ذهب
صرخ الرجُل في
زوْجته:
- الله يلعن أبو اليوم اللي عرفتِك فيه
يا شيخة .. ده انتي بني آدمة نكديّة ومُقرِفة.
- ده الوقتِ بقيت مُقرِفة .. إهئ إهئ
إهئ .. مش انتَ كُنت بتقول عليَّ إني أحلى واحدة ف الدنيا .. وإن اسمي فعلاً على
مُسمّى .. إخص عليك يا قليل الأصل .. إهئ.
- يعني انا غلطان إني كُنت بارفع من
معنويّاتِك .. هأوْ .. قال "جميلة" قال .. الظاهر أبوكي كان اتعمى لمّا
سمّاكي "جميلة" وانتي شبه "اسماعيل ياسين" .. ده انتي إسمِك
عكس صفتِك أصلاً.
- إهئ .. يا سلام يا خويا .. عموماً الحال من بعضُه .. ما انتَ أُمّك اسمها "شريفة" وهيَّ شـــ..... ولّا بلاش .. خلّيني ساكتة أحسن.