أقوال تاريخية مأثورة | خذوا الحكمة من على ضهر التكاتك

بلادي بلادي (الجديدة)

 

 

بلادي بلادي بلادي

إنتي ليه بايْعاني عادي

كفاية اللي شُفتُه ف حَياتي

مش ح اشوف الإعادة ف ولادي

 

كل يوم انا انام واقوم

همّي رِزقي يوم بيوم

هوَّ ليه اللي يصوم ..

فيكي ما يفطرش تاني!!!

 

يا اللي فيكي حقّي ضاع

ما انتي ماشية بالدِراع

صوتي بيجيب لِك صُداع

بَس طَبلة غيري عادي

 

بلادي بلادي بلادي

إنتي ليه بايْعاني عادي

كفاية اللي شُفتُه ف حَياتي

مش ح اشوف الإعادة ف ولادي

 

ألف مرّة أقول ح اروح

غُربتي صَبَحِتْ طُموح

يا اللي دايْسة ع الجروح

دايْسة دايماً ع اللي راضي

 

مهما كُنا موْجوعين

إحنا إيديكي اليمين

لوْطَلبتي الروح: آمين

غالية وافديكي بحياتي

 

بلادي بلادي بلادي

إنتي ليه بايْعاني عادي

كفاية اللي شُفتُه ف حَياتي

مش ح اشوف الإعادة ف ولادي

 

من سنين وانتي النَشيد

يا اللي ماشية ف الوَريد

الحُرّة ما تربّيش عَبيد

وانتي حُرّة يا بلادي

 

لوْ مراهنة ع الحَنين

جاب أجَلنا من سنين

ما انتي عارفة: طيّبين

نِبكي لو نِسمَع: "بلادي"

 

بلادي بلادي بلادي

إنتي ليه بايْعاني عادي

كفاية اللي شُفتُه ف حَياتي

مش ح اشوف الإعادة ف ولادي

 

بلادي بلادي بلادي

لكِ حُبّي وفُؤادي

**********

بلادي بلادي

لكِ حُبّي وفُؤادي

لكِ حَياتي ووجودي

لكِ دَمي .. لكِ عَقلي ولِساني

لكِ لُبّي وجَناني

فأنتِ أنتِ الحَياة

ولا حَياةُ إلّا بكِ .. يا "مصر"

 

 

أمير عيد