خبر
أخبار ملهلبة

البحر بيضحك ليه .. وأنا نازلة اتدلع املا القلل | نجيب سرور

الصفحة الرئيسية


لوحة فنية تشكيلية لفلاحة تحمل على كتفها جرة أو بلاص أو قلة لتملأها من الترعة وفلاح آخر يجلس على الأرض ويعزف الناي أو المزمار وورائهما مركب شراعي


البحر بيضحك ليه .. وانا نازلة اتدلع املا القلل

 

 

البحر بيضحك ليه .. وأنا نازلة اتدلع املا القلل

البحر غضبان ما بيضحكش .. أصل الحكاية ما تضحّكش

البحر جرحه ما بيدبلش .. وجرحنا ولا عمره دِبِل

البحر بيضحك ليه .. وانا نازلة اتدلع املا القلل

مساكين بنضحك م البلوة .. زي الديوك والروح حلوة

سارقاها م السكين حموة  .. ولسه جوا القلب أمل

البحر بيضحك ليه .. وانا نازلة اتدلع املا القلل

قُللنا فخارها قناوي .. بتقول حكاوي وغناوي

يا قُلة الذل انا ناوي .. ما اشرب ولو في الميّه عسل

البحر بيضحك ليه .. وانا نازلة اتدلع املا القلل

ياما ملينا وملينا .. لغيرنا وعطشنا ساقينا

صابريــن وبحر ما يروينا .. شايلين بدال العِلة عِلل

والبحر بيضحك ليه .. وانا نازلة اتدلع املا القلل

في بالي ياما وعلى بالي .. واللى بيعشق ما يبالي

ما يهمينيش من عُزّالي .. يا حلوة لو مرسالي وصل

والبحر بيضحك ليه .. وانا نازلة اتدلع املا القلل

بيني وبينك سور ورا سور .. وانا لا مارد ولا عصفور

في إيدي ناي والناي مكسور .. وصبحت انا في العِشق مَثَل

والبحر بيضحك ليه .. وانا نازلة اتدلع املا القلل

 

 

نجيب سرور

google-playkhamsatmostaqltradent