تحيا مصر
"تحيا مصر وتحيا تحيا ف كل ناحية" .. الكُل قال
"تحيا مصر" .. ف المصانع .. ف المزارع .. ف الجبال
بس احنا نسيبها تحيا وهيَّ تحيا وتِبقى عال
"تحيا مصر" نقولها إحنا لاجل بكره يكون جميل
لاجل مصر بكره خيرها يبان على وِش الفقير
مش مجاملة للمحافظ .. مش تحيّة للوزير
"تحيا مصر": بجد خالِص .. مصر حياتها حياتنا
لو يسود العدل خالِص راح يعُم السَعد زادنا
مش باصقّف للي جاي .. مش باوَلْوِل ع اللي فات
"تحيا مصر" ف كُل ناحية .. ف كُل لَحظة .. ف كُل دار
"تحيا مصر" .. الخير يعُم و العَدالة و العَمار
مش بنافِق الحكومة .. لأ باحافظ ع الشعار
"تحيا مصر وتحيا تحيا ف كل ناحية" .. الكُل قال
"تحيا مصر" .. ف المصانع .. ف المزارع .. ف الجبال
بس احنا نسيبها تحيا وهيَّ تحيا وتِبقى عال