وقد أثار فتح هذا التحقيق الواسع (اللي كَد إكدِه) لغطاً كبيراً في أوساط الجامعة لإن ما حدش عارف سبب التحقيق بالظبط .. فيه ناس بيقولوا إن التحقيق ده معمول علشان يعرفوا مين القاتل الحقير اللي حط العقرب الغلبان في طبق الفول وخلّاه يتسمّم يا كِبد امّه من أكل الطالبات .. وفيه ناس بيقولوا علشان يعرفوا إيه الدافع اللي خلّى الطبّاخ اليوم ده يطبخ للطالبات فول مع إن جدول الأكل في مطعم المدينة الجامعيّة مكتوب فيه إن وجبة الغدا يوم التلات هيَّ ملوخية بالعقارب.