خبر
أخبار ملهلبة

عبارات كليشيه خالدة يستخدمها دائماً الأب والأم مع الأبناء


أب يصرخ في أبنه الطفل مسبباً له عقد نفسية

عبارات كليشيه خالدة

 

 

·       إنت فاكرنا لاقيين الفلوس دي ف الشارع.

·       ما تتكلّمش ولا تغني بصوت عالي ف الحمّام.

·       واللهِ ما انتَ فالح .. وآدي دقني أهِه لوْ فلحت.

·       ما تنامش غير لما تغسِل سِنانك.

·       ما تلزقش ف التلفزيون كده .. نظرك ح يضيع.

·       سلّم على عمّك كويّس يا ولد.

·       يا ابني محدّش ح ينفعك.

·       ما تطلّعش إيدك م الشبّاك.

·       ربنا يرزقك بعيّل يوريك اللي وريتهولي.

·       ما تطلعش ع الملاية النظيفة ورجليك متوسّخة كده.

·       نسيت تشرب ؟ .. نسيت تاكل ؟ .. نسيت تاخد المصروف ؟ .. نسيت تعكنن عليّا وعلى امّك ؟

·       طلّع ايدك من جيبك وانت بتكلّمني.

·       إيه اللا مبالاة والاستهتار اللي انت عايش فيهم دول؟.

·       قوم اقرا لك كلمتين ينفعوك.

·       وطّي المدعوق ده شويّة.

·       إنت فاكرنا نايمين على ودانّا.

·       يا ابني انتَ مسطول ولا ايه ؟

·       ما تلبسش القميص ع اللحم زي العيال الصايعة.

·       بلاش أكْل برّه البيت.

·       كلّمنا لما توصل.

·       عــيـب ... لازم تحترم اللي أكبر منك.

·       لو شفت خناقة ما لكش دعوة بيها.

·       لازم تاكل سَلَطة.

·       أوعى تكدب عليَّ كده تاني مرة.

·       أوعى حَد غريب يدي لك حاجة تاكلها أو تشربها أو تاخدها منه.

·       يا ابني كلّم خالتك العيّانة اسأل عليها.

·       بلاش لعب ف الشارع.

·       ما تعلّيش صوتك.

·       وانتَ فاكر احنا مستنيين منك حاجة.

·       المسلسل مش ح ينفعك ... قوم ذاكر.

·       ما تقعدش قدّام المروحة وانت مستحمّي.

·       كفاية رغي ف التليفونات.

·       بلاش وقفة الشبابيك والبلكونات.

·       أوعى تقول لحد هات لي حاجة.

·       كُل على مهلك .. وامضغ كويّس ... وما تاكلش وانت واقف عشان الأكل ما ينزلش ف رجلك .. وكُل من قدامك ما تحفّش.

·       اطفي التلفزيون وقوم ذاكر .. أو اطفي التلفزيون و خُش اوضتك.

·       ربنا يهديك .. ربنا يهديك .

·       صلّيت العصر؟

·       ما تمشيش حافي ف السقعة دي .. البلاط تَلْج.

·       ما فيش مذاكرة ع المزّيكا .. أو بتذاكر إزّاي و البتاع ده شغّال جنبك؟

·       إفرد ضهرك.

·       ما تتأخرش بعد المدرسة و تقعد تصيع مع اصحابك.

·       بُص كويس و انت بتعدّي الشارع.

·       وما لها الكتب بتاعة الوزارة؟ .. ده الامتحان بييجي منها.

·       اللي بيشيل قِربة مخرومة بتخر عليه لوحده.

·       لو مش فاهم حاجة ارفع ايدك و قول للأستاذ مش فاهم.

·       ما تردش عليَّ.

·       مش عايز اسمع صوتك .

·       ما لكش دعوة بالسياسة .. وما تمشيش ف مظاهرات.



(منقول)

google-playkhamsatmostaqltradent