خبر
أخبار ملهلبة

خطورة مرايا غرفة النوم وعلاقتها بالطلاق | إحذر وجود أنتريه حرف L في بيتك


كلمة ونص

 إحذر مرايات أوضة النوم وأنتريه حرف L



يا جماعة لازم نسمع كلام خبيرة الطاقة ونكسّر كل المرايات اللي ف أوضة النوم علشان نقلّل نسبة الطلاق ف مصر .. واللي عايز يسرّح أو يعدِل هدومه يبقى يروح يعمل كده في المرايات الموجودة في أي ديسكو أو نايت كلوب قريّب .. ومن هنا ورايح أي حد ح يشوفني طالع من أي ديسكو أو كباريه أو خمّارة ما يفتكرش فيّا حاجة بطّالة .. يعرف على طول إني كنت هناك علشان باربط الكرافتة.

وخذوا بالكم كمان: الأنتريه حرف L بيؤدي إلى التفكك الأسري .. والتليفزيون العالي يخلّي المتفرج فاشل وما يحققش طموحه .. والبراويز بتعمل عكوسات .. والقولون بيعمل غازات .. والشطّافة بتجيب الفقر !!!!

حد يعرف خبراء الطاقة دول اللي بيقولوا على نفسهم دكاتره معاهم مؤهل إيه؟ .. يعني علشان أنا مثلاً أبقى خبير طاقة بادخل كلية الطب ولّا التجارة ولّا الهندسة ولّا كليّة الطاقة ولّا الهمبكة ولّا الفزلكة؟ .. والدكتوراه بياخدوها منين علشان يبقى لهم الحق في الظهور في العديد من البرامج التافهة لنشر خرافات وخزعبلات بين أفراد المجتمع المصري والعربي اللي مش ناقص أصلاً دجل وشعوذة؟ .. حاجة تقرف.

google-playkhamsatmostaqltradent