بعد العلقة التي نالها أحد عملاء شركة
للإتصالات من موظفي هذه الشركة نفسها داخل فرعها: قامت الشركة بتغيير رسائلها لكل
عميل اتباعاً للسياسة الجديدة للشركة التي تتبع أحدث استراتيجيّات وسائل الدعاية
للترويج لنفسها داخل "مصر" بما يتناسب وطبيعة الشعب المصري الأصيل:
-
في أي وقت تقدر حالاً
تدخل على تطبيق الهاتف وتستغيث بالنجدة علشان يخلّصوك من إيدين موظفينا البلطجيّة وكمان
ليك باقة Minus وكمان اشتراك
"الأغاني" ببلاش .. تُطبَّق الشروط والأحكام.
-
مع مهرجان "كوبونات البوكسات" و"تذاكر القفوات"
و"فلكسات الشلاليت": كل ما تشترك في عروض "العلقة بلاس" تكسب
ببلاش قطن وشاش وبيتادين وهدايا تانية كتير من وزارة الاتصالات بالاشتراك مع وزارة
الصحة.
-
تجديد الباقة بقى في
منتهى السهولة ده الوقت .. توجّه لأقرب فرع وخُد العلقة التمام وادفع 50 جنيه
شاملة ضريبة الدمغة والضرب على القفا .. تُطبَّق الشلاليت واللكاكيم.
-
إشحن بـ 10 جنيه
وليك بوكسين وشلوت مجاناً من أي موظف بفروعنا المنتشرة في كل مكان.
-
مع مسابقة
"خربش واكسب" إنت دايماً كسبان .. خصوصاً لو شِلت الخربشة ف وِش أمك ..
وهدايا خاصّة لو جات لك الخربشة في أي مكان حسّاس.
-
معانا النِت ما لهوش
نهاية .. لو عايز تعرف تفاصيل عرضنا الجديد في الجمعة الزرقاء روح فرع المهندسين
أو سيدي بشر واطلب من مندوبينا يعملوا معاك الجُـلّاشة الصَح وبعدين إضغط ع
الجرح علشان توقّف الدم ولو تقدر وفيك حيل تقف دوس على رِجلك ولو كنت راجل
وعرفت توصل لحد باب الفرع أطلب كراسة التفاصيل واكسب هديّتك فوْراً.
-
لتستمتع بـ 100 ميجا
بايت للسوشيال ميديا لمدة خمس أيّام متواصلة روح لأي فرع وخلّي حَد من الموظفين
يصوّرك فيديو وهوَّ بيضربك قلمين على وِشّك ويسكعك على قفاك وبعدين إبعت لنا نسخة
من الفيديو في رسالة على *إلحقوني*أحيه#
-
يوم الجمعة الجاية غير أي جمعة: مع عروض الـ Black
Friday إلحق إشترك في باقة
"العلقة الكومبو": 2 بوكس في كل عين + لُكَميّة بالأنف + بلحة على الرأس
+ 3 زَغدة بالقلب + 4 شلّوت بالبطن أو تحت الحزام أو المقعدة أو العصعوص (أيّهم
أقرب لموظفي الشركة بأي فرع) + ما تيسّر من سب وقذف لشخص حضرتك الكريم أو أبيك أو
سِت الحبايب أو سنسفيل أهلك .. إشحن رصيدك فوْراً بـ 20 جنيه وإلحق العرض قبل ما
يخلص.
-
مع نظام "الكُرسي الذهبي" ح تتحاسب بـ 2 قرش بدلاً من 14 قرش لكل
مكالمة وكمان ليك 800 بدلاً من 400 وِحدة تستخدمها في أقوى نظام اتصالات في بر
"مصر" تِمّاً .. للإشتراك روح فرعنا ورا مصنع الكراسي واطلب من أي موظف
يظبّطك.
-
عميلنا العزيز: نحيطك علماً بأنه يتوافر الآن لدى كل فرع من فروعنا أكثر من
20 موظف بلطجي مهمّتهم الأساسيّة ضربك وبهدلتك وإهانتك في أسرع وقت منعاً لإضاعة
وقتك الثمين .. وتذكّر دائماً إن ما فيش حاجة تقدر توقّفنا لإن القوّة بين إيديك وقوّتنا
ف لمّتنا واحنا مع بعض أقوى واللي جاي أقوى وأقوى.
-
محاولة هروبك اليوم
من فرعنا بـ"إمبابة" قبل حصولك على علقتنا المميّزة تم تسجيلها ع النوتة
بـ 60 قرش يتم خصمها عند أول شَحن .. ولسّه ليك 3 مرّات كمان .. جدِّد باقتك الآن
واحصل على 5 مرات هروب مجاناً لحد آخر الشهر.
-
لم يتم تجديد باقتك
لعدم وجود رصيد كافي وسيتم شحن الباقة تلقائيّاً عند الشحن في حالة عدم التجديد ..
فلو كنت ناسي تغذية رصيدك بخمسة وتلاتين بُلبُل (شاملة الضريبة) فآدينا بنفكّرك
أَهُه .. ولو كنت سيادتك فاكر بس بتستعبط فاستحمل بقى اللي ح يجرى لك لمّا تروح
الفرع يا روح امّك .. اسفوخس عليك عميل عِرّة.
-
تم شحن 50 جنيه ورصيدك
أصبح 18 جنيه بعد خصم قيمة خدمة "إضربني شكراً" .. ورقم العمليّة OUCH-7684211-OMG برعاية
حماية المستهلك.
-
عميلنا العزيز: تمّت
إضافة 3 شلاليت و4 شتايم على علقتنا الخاصّة بكبار العملاء صالحة لمدة يومين بعد
آخر علقة .. ولترحيل الشلاليت والشتايم المتبقية كلّم #أبو أمّك#خُد*
- لقد نفذ رصيدكم .. بس الكلام لسه ما خلصش .. لو تحب تسمع شتايم بأمّك إضغط شبّاك تلاتة فلكس أمك نجمة .. تُطبَّق الشروط والأحكام.