شرشحة الحثالة
ليه يا فيدو طولة اللسان وقلّة الأدب؟ .. طب وبالنسبة لأمثالي ممن يؤيدون الرئيس في بعض سياساته ويعارضونه في البعض الآخر يبقوا إيه؟ .. نص حثالة؟ .. نص لِبّة يعني؟ .. ولّا هوَّ لازم نبقى معاه على طول الخط وكأنه ملاك أو نبقى ضده على طول الخط وكأنه شيطان .. الريّس يا مفيد باشا ( مع إنك مش مفيد خالص بل ضار جداً بالصحة وتؤدي إلى العجز والعقم والوفاة) بني آدم واللهِ زي بقية الرؤسا في العالم القديم والحديث بيصيب وبيخطئ .. يا ريت يا فيدو تدعي للريّس بالتوفيق وبإن ربنا يلهمه الصواب كثيراً لصالح الأمة ويجنّبه الخطأ (اللي بيقع فيه من وقت لآخر) ويبعد عنه حاشية السوء وولاد الحرام اللي بيطبّلوا له وبيدوّروا على مصلحتهم بعيداً عن مصلحة الوطن وبعيداً عن مصلحة الريّس نفسه اللي لو مشي ح يطبّلوا للي بعده واللي بعده بغض النظر عن شخصه وعمله .. بس يا ريت وانت بتدعي ابقى اقلع الباروكة واكشف راسك الأوّل يمكن ربنا يستجيب لك.