الكلام كالدواء: إن أقللت منه نفع وإن أكثرت منه قتل
حِياتِ إنّبي صحيح؟ .. أراجل قول كلام غير ده.
معالي الوزير : سايق عليك النبي تسكت أحسن .. هوَّ يعني المسؤول من دول لو قعد 24 ساعة من غير تصريحات ح يحصل له إيه؟ ح يموت؟ .. هوَّ خايف الناس تشتمه وتزفّه وتقول "اللي ما بيتكلّمش أهو"؟ .. إنت اتسعرتوا تصريحات كده ليه؟ .. معاليك بتتكلّم في موضوع لايحدث إلا نادراً في المائة مليون مصري .. موضوع ما يهمّش حد أصلاً .. موضوع معروف إنه مقزّز ويثير اشمئزاز أقذر المخلوقات .. موضوع لا يمت للإسلام ولا لوزارة الأوقاف بأي صلة .. وليس من المناسب إنك تقول إنه أمر حيواني لإن الحيوانات ما بتعملش كده طبعاً .. اللي يسمعك بتقول كده يفتكر إن الموضوع ده من العادات أو الموروثات الشعبية المصرية أو من التقاليد الإسلامية اللي بتحاول سيادتك الحد من انتشارها ونصح الناس وتعريفهم بأضرارها للإقلاع عنها .. يا جماعة الخير أميتوا الباطل بالسكوت عنه .. أنا خايف اقرا في يوم تصريح لوزير الصحة بيقول فيه: "أكل البراز والاستحمام في بالوعات المجاري أمر غير صحي".