تحت نفس الشمس
تحت نَفْس الشمس
فوق نَفْس التُراب
كُلّنا بنجري وَرا نَفْس السَراب
كُلّنا مِن أُم واحدة .. أَب واحد .. دَم
واحد
بَس حاسّين باغتراب
بَس حاسّين باغتراب
ليه بنتغرّب ف دُنيتنا الغَريبة؟
ليه نقابِل كُل شيء بشكوك وريبة؟
ده احنا لوْ عِشنا حياتنا بصَفوْ نِيّة
نِجمة الحِلم البعيدة تبان قَريبة
في زمان الغُربَة دورنا .. ياما دُورنا
ريح بتُهجُرنا .. وريح تِضرَب صدورنا
بَس طول ما قلوبنا مَليانة مَحَبّة
كُل هَبّة ريح فينا تِغْرِس جُدورنا
كُلّنا مِن أُم واحدة .. أَب واحد .. دَم
واحد
بَس حاسّين باغتراب
بَس حاسّين باغتراب
تحت نَفْس الشمس
فوق نَفْس التُراب
كُلّنا بنجري وَرا نَفْس السَراب
كُلّنا مِن أُم واحدة .. أَب واحد .. دَم
واحد
بَس حاسّين باغتراب
بَس حاسّين باغتراب
ليه تفرّقنا الأماني والمطامِع؟
إيه يفيد المال إذا ما مال زَماني؟
مال تجيبُه الريح .. يروح .. تاخده الزوابِع
ياما فَضّة انفَض سوقها في ثواني
يا زمان الغُربة يا ملَفْلِف ف سورنا
يا اللي بتزوم فوق عِشَشْنا وفوق قُصورنا
طول ما بنحِب الحياة ونحِب ناسْها
لا الجُدور ح تبور ولا تِنهار جُسورنا
كُلّنا مِن أُم واحدة .. أَب واحد .. دَم
واحد
بَس حاسّين باغتراب
بَس حاسّين باغتراب
تحت نَفْس الشمس
فوق نَفْس التُراب
كُلّنا بنجري وَرا نَفْس السَراب
كُلّنا مِن أُم واحدة .. أَب واحد .. دَم
واحد
بَس حاسّين باغتراب
بَس حاسّين باغتراب
الحقيقة نار تعيش تحت الرَماد
في ضِياها باهتدي لحِلمي وخيالي
والمحَبّة تفَجّر الروح ف الجَماد
وبمحَبّة قلبي ح اقدر ع اللّيالي
يا زمان الغُربة مَهْما ح تكاسِرنا
حِلْمِنا ح نحَقّقُه مَهْما خِسِرنا
طول ما خيرنا لغيرنا - حتّى لوْ رَحَلْنا
ف الحياة - ح نمِد لينا جُدور مِسيرنا
كُلّنا مِن أُم واحدة .. أَب واحد .. دَم
واحد
بَس حاسّين باغتراب
بَس حاسّين باغتراب
تحت نَفْس الشمس
فوق نَفْس التُراب
كُلّنا بنجري وَرا نَفْس السَراب
كُلّنا مِن أُم واحدة .. أَب واحد .. دَم
واحد
بَس حاسّين باغتراب
بَس حاسّين باغتراب
من حَنان الحُب هَل الغِل .. جانا
من مَرارة الغِل جَلْجِل صوت رَجانا
نِبكى م الغِل اللى بيعكّر حياتنا
ولّا م الحُب اللى هَدْهِدْنا وشَجانا
يا زمان الغُربة ليلَك بيحاصِرنا
وف ضَلامُه المُر طاوينا وعاصِرنا
بَس طول ما الحُب بيرَفْرَف علينا
الجدور ح نمدّها ونصنع مَصيرنا
كُلّنا مِن أُم واحدة .. أَب واحد .. دَم
واحد
بَس حاسّين باغتراب
بَس حاسّين باغتراب
تحت نَفْس الشمس
فوق نَفْس التُراب
كُلّنا بنجري وَرا نَفْس السَراب
كُلّنا مِن أُم واحدة .. أَب واحد .. دَم
واحد
بَس حاسّين باغتراب
بَس حاسّين باغتراب