أرجو ألا تبكيك هذه الأغنية: الأرض مش أرضي | عبد الرحمن الأبنودي

الأرض مُش أرضي

الأرض مُش أرضي

ولا العِباد وِلدي

آمّال كده ما لي شايل

همّها لوحدي!؟

جمل العذاب انفلت

وانا وراه باحبي

وانا وراه وحدي

باقول يا ليل

يا ليل يا ليل

يا ابو الغلابة

صوت العذاب مكتوم

صوت الفرح يلالي

طويل يا ليل على المهموم

ينام الليل أبو قلب خالي

يقول يا ليل

يا ليل يا ليل

يا ابو الغلابة

من العذاب قوموا

يا معذّبين الأرض

من العذاب قوموا

وإجلوا وِش الأرض

من قبضة الشوك

بتتخلّص براعم الورد

وقولوا يا ليل

يا ليل يا ليل

يا ابو الغلابة