خبر
أخبار ملهلبة

يااااا .. يا منفوووخ | من التراث الشعبي

الصفحة الرئيسية

 

رجل مغرور متعجرف يشرب فنجاناً من القهوة بكل غطرسة

يااااا .. يا منفوووخ

 

 

ياللي إنت مغرور و بتدبدب كتير ع الأرض

و بتمشي منفوخ بأحوالك تدوخ ع الأرض

و تزرع الشوك و تجيب العتاب ع الأرض

و بتعيب في ناس و همَّ طيّبين عنّك

دول ناس أشراف و حداهم ضمير عنّك

و تعادي ناس أقوى منّك و الشيطان عمّك

و الأعفى منّك تلاعبه يوقّعك ع الأرض

 

الندل صوته علي خالص ودمّه فار

الغرور خلّاه أسد من بعد ما كان فار

وهو في السعر طول عمره ما يسوى فار

كُتْر الطمع والجشع خلا النفوس بتحط

الرحمة بتشيلها منها والحسد بتحط

الزمن خلّى الجمال بعد القيام بتحط

وأصبح القط دلوقتي يخاف م الفار

 

ياللي غويت القباحة و حبّها لسانك

الغيبة ويّا النميمة زفّروا لسانك

الخلق عرفت و قرفت من أذى لسانك

بتقول على الثورة اللي فتّحت عميا

العظمة واخداك و مراية هواك عميا

و ما دام قبّحت و عيونك بقت عميا

ح يجيبوا سكينة حامية يقطعوا لسانك

 

ياللي خاصمتوا الشرف و لا كنتوا يوم زَيّه

و تلوموا ع اللي اجتهد و تعيّبوا زِيّه

أصبحتوا زي الشيطان و بتفسدوا زَيّه

و حقدكوا كبير و أطماعكوا تداري عليه

و رزق غيركوا بعين صفرا تبصّوا عليه

إن شفتوا حد إنسعد دايماً تقُرّوا عليه

بتحسدوه ليه ما تشقوا و تعملوا زيّيه

 

 

من التراث الشعبي

google-playkhamsatmostaqltradent