أمثال صعيدية عبقرية مهجورة | خلاصة الحكمة والخبرة

إحصائية صادرة من الأمم المتحدة نفسها تكشف عن أن الزوجة المصرية تحتل المركز الأوّل على جميع زوجات العالم في ضرب الزوج حيث يتعرّض 28 % من الأزواج الرجال (أو المفروض إنهم رجال) إلى الضرب المبرح من زوجاتهم النساء (اللي هنَّ المفروض جنس لطيف) اللاتي استخدمن الأسلحة أثناء الضرب مثل الأحزمة والإبر والشباشب .. وتضيف الإحصائية المستقاة من السجلات الرسمية لمحكمة الأسرة المصرية أن 66 % من هؤلاء الرجال الذين تعرضوا للضرب قد تقدموا بشكاوى تمهيداً لطلب الطلاق.

تعليقي على الخبر: للدرجة دي الراجل المصري بقى خرِوْ (يعني خِرِع ولا مؤاخذة) .. معقولة السِت المصرية بقت مستقوية ومفترية لهذا الحد .. إيه؟ .. خلاص؟ .. ما بقاش فيه خِشى؟ .. ما بقاش فيه احترام لراجل البيت؟ .. فين أيّامك يا سي السيّد .. الله يرحمِك يا رجولة .. الظاهر ما فاضِلش فيه رجّالة ف "مصر" غيري .. تقريباً أنا الوحيد ف البلد اللي مراته بتعمل له ألف حساب ف البيت .. الحمد لله طول عمري وانا مالي مركزي ومراتي ما بتطلَعش منها العيبة وعمرها ما قالت لي: "بِم".

ملحوظة : أكتب لكم هذا التعليق بإيدي الشمال من فوق أحد السراير بعنبر العظام بمستشفى الناريمان بالأسكندرية .. وربنا على المفتري .. آه يا حوستي السودا يا انا يا امّه.