خبر
أخبار ملهلبة

لِم الشَمل | جمال بخيت

الصفحة الرئيسية



لِمْ الشَمْل

 

 

لِمْ الشَمْل بلاش تفكيكة

ياللى بتلعب بالبولوتيكا

عايز تاكُل؟ .. كُلْ من قمحك

عايز تعزف؟ .. إعزف سيكا (مقام موسيقي عربي)

أرضَك واحدة ورَبّك واحِد

لا تروح روسيا ولا أمريكا

وافهم بقى ربّي يخلّيكا

 

إنتَ ضمير الكون يا أخينا

وانت النور الصارِخ فينا

حارِس بيت الله على أرضه

من بيت لَحم لمكّة لسينا

 

لِمْ الشَمْل .. الدوحة ح ترجع

إمسِك فاس المغرب وازرع

خُضْرِة تونِس لازم تجمَع

طَمي سودانَك على صحاريكا

وافهم بقى ربّي يخلّيكا

 

إرفع كُل رايات بني غازي

من عَمّان .. وكفاية تعازي

البحرين تحشِد جزايرها

يغرَق فيها سَليل النازي

 

الإمارات قَمَرة بتتهنّا

مع فُرسان من عَدَن الجنّة

غُصن الأَرز يقول أتمنّى

سَهْم دمشق ف عين أعاديكا

وافهم بقى ربّي يخلّيكا

 

 

جمال بخيت

google-playkhamsatmostaqltradent