جوعوا نصِح
صح .. طبعاً صح .. الراجل ده صح وبيقول كلام صح الصح .. فيها إيه لمّا ناكل وجبة واحدة في اليوم .. بناقص طقة .. ح يحصل إيه يعني .. كلام محترم جداً من سيادة عميد الشرطة السابق .. أنا عن نفسي اقتنعت بوجهة نظره خصوصاً بعد ما ركّزت في حجم كلابيظ خدوده ولغده .. أصل الكلام اللي صادر من الكرش بيخش الكرش على طول من غير استئذان بالذات لو صدر من شخص بيطبّق على نفسه أولاً ما يطالب به غيره .. ناس كتير يعرفوا سيادة العميد أكدوا لي إنه فعلاً بياكل وجبة واحدة بس .... كل ساعة.