It is that simple
اللذيذ إن الدنيا كلها (بزعامة الإعلام
المصري) قامت على أحمد الفيشاوي من كام يوم علشان قال كلمة "براز"
بالعامية على مسرح مهرجان الجونة السينمائي واتهموه بالخروج عن الذوق العام
وبالإساءة للمهرجان ولسمعة الفنان المصري .. وما حدش من الإعلاميين المحترمين جاب
سيرة ولا علّق على الفيديو ده (اللي كان من 6 شهور بس ما شفتوش إلا ده الوقت)علشان
أحمد الفيشاوي باشا ما يعتبروش متخلّف من فصيلة الحمير زي ما قال.
طبعاً لو كان الكائن ده في بلد ديانتها
الرسمية الإسلام كان أقيم عليه حد شارب الخمر (من 40 إلى 80 جلدة) لإنه مسلم بالغ
عاقل عالم بتحريم شرب الخمر وغير مغصوب على شربه وعارف إن اللي بيشربه ده خمرة
بتذهب بالعقل وبيقر وبيعترف بكل ده .. إنما احنا للأسف في بلد إسلامي على ورق
الدستور فقط.
اللي بيعلن تحديه للحاكم وبيعارضه أو بيخالف أوامره بيبقى منبوذ في المجتمع وبياخد على قفاه ومش لاقي لقمة العيش الحاف وبيمشي وراه المخبرين وفي الآخر بيروح ورا الشمس .. إنما اللي بيعلن تحديه لربنا وبيخالف ما نهانا عنه يبقى نجم في المجتمع بياخد ملايين ومش لاقي يصرف فلوسه فين وبيمشي وراه المعجبين وفي الآخر بيروح أون تي في .. يا صلاة النبي.