خبر
أخبار ملهلبة

هل يمكن تبديل الجنسيّة المصريّة؟ | مقارنة سعرها مع باقي الجنسيات

الصفحة الرئيسية


إنفوجراف بقائمة أسعار الجنسيات حول العالم

هل يمكن تبديل الجنسيّة المصريّة؟



بعد ما أثير حول أن الحكومة المصريّة تبحث تشريع برنامج جديد (بخلاف الخمس برامج الأخرى التي تم إقرار قانون بخصوصها بالفعل منذ سنتين) لإضافته لقانون بيع الجنسية المصرية مقابل 2.9 مليون دولار استقبل بريد مجلّتنا (ابن أبي صادق) رسالةً من أحد المواطنين المصريّين ويُدعَى "واخد خازوق أبو الدبابيس"  .. ونرجو من المسؤولين عن هذا الموضوع الرد على صديق المجلّة في أسرع وقت .. والصديق "واخد" يتساءل:

أنا مواطن "لبست" الجنسيّة المصريّة كغيري من المصريّين بحكم مولدي في أم الدنيا من أبويْن مصريّيْن "أخذا" نفس الجنسيّة بنفس الطريقة .. فهل يمكنني تبديل الجنسيّة المصريّة بنظيرتها الإسبانية (اللي بـ 163 ألف دولار بس) وآخد الفرق ناشف (2.737  ألف دولار يعني حوالي 40 مليون جنيه مصري)؟ .. أصلي بصراحة جرّبت الجنسية المصرية لقيتها من غير ياقة (تجعل القفا معرّضاً لأي مكروه) وكمامها قصيّرة جداً (يمكن علشان احنا فقرا قوي والإيد قصيرة والتوب ما كفّاش) وضيّقة شويّتين من عند الصدر (تلاقيها كده كاتمة على نَفَسَك) وماسكة خالص من عند كَمَر الوِسط (من كُتْر شَد الحزام في الأزمات التي لا تنتهي) ومبهوقة قوي من عند الحِجْر والهانش (تقريباً علشان تساع الصب الكتير ف المصلحة من غير ما تتفرتِك خياطتها) ورِجلين البنطلون بتاعها قصيّر فَشَر البانتاكور (الظاهر الخيّاط اللي بيفصّلها خنصر ف القماش) ده غير إني لمّا "لبستها" لقيت تقفيلها مش قد كده ولونها بَهَت بسرعة ومن غير بِطانة خالص .. مع العلم إني "واخد" الجنسية المصرية من أكتر من 14 يوم ولا تنطبق عليَّ سياسة الاسترجاع والاستبدال.

طب لو مش ح ينفع آخد الفرق فلوس ممكن اشتري بالفرق الجنسية السويسرية ويعملوا لي عليها ديسكاونت؟

google-playkhamsatmostaqltradent