خبر
أخبار ملهلبة

سؤال أرجو ألّا أطرحه بعد عرض مسلسل "الاختيار 4" أو 5 أو 10

 


سؤال أرجو ألّا أطرحه بعد عرض مسلسل "الاختيار 4" أو 5 أو 10

 

 

يتبادر لذهني المحدود وعقلي القاصر سؤال يلح عليَّ بمناسبة ما جاء في مسلسل "الاختيار 3" بخصوص الحرب على الإرهاب وسقوط مئات الضحايا من الجيش والشرطة والشعب فريسةً للعمليّات الأرهابيّة في "سيناء" خلال أكثر من 10 سنوات متتالية .. السؤال هو: لغاية إمتى ولادنا ح يتسرسبوا من بين إيدينا عشرة ورا عشرين ورا تلاتين والأعياد والأفراح تتحوّل لمياتم وجنازات .. مش معقول شرطة وجيش مصر بكل أعدادهم وإمكانيّاتهم دي مش قادرين السنين دي كلها يقضوا على شوية عيال إرهابيين لابسين جلاليب وشباشب وقاعدين ف صحرا مكشوفة وبيتحرّكوا على عربيات نص نقل؟ .. وكل كام أسبوع يعملوا عملية إرهابية تهدد أمن مصر القومي والمشكلة كمان إن أسلحة وذخائر أفراد أمن الكمائن مش كافية والدعم بيوصل لهم بعد فوات الأوان وكل ده رغم المليارات اللي بتتصرف على الشرطة والجيش من أموال الشعب .. أين طائرات الأباتشي؟ .. لماذا لم نستخدمها لنجدة أبنائنا المحاصرين في الكمين لضرب الإرهابيين من الجو بالصواريخ؟ .. أكيد فيه حاجة غلط.

ملحوظة: مرفق بأعلى المقال تسجيل صوتي قديم لاستغاثة أفراد الأمن المصري خلال إحدى الهجمات الإرهابيّة عليهم في سيناء ويُلاحَظ في خلفية الأصوات صوت تكبيرات العيد .. ولا حوْل ولا قوّة إلّا بالله.


google-playkhamsatmostaqltradent