خبر
أخبار ملهلبة

تعليق ابن أبي صادق على تصريح السيد المحافظ السياسي | صحيح: السياسة نجاسة

الصفحة الرئيسية

 





 

وقد أيّد "ابن أبي صادق" تصريح حضرة السيّد الوزير محافظ "كفر الشيخ" (الخاص بمَن لم يُدلِ بصوته في الانتخابات) وقال في حماسةٍ منقطعة النظير:

أنا مع سيادة المحافظ في كل الكلام المحترم اللي قاله .. الراجل في منصب سياسي حسّاس وتصريحاته دايماً موْزونة .. ورغم إنه بيتكلّم عن شويّة رعاع ولاد ستين كلب إلّا إنه - بوازع كونه أب للجميع – بيدعوهم للبحث عمَّن يطبطب على قفاهم من وَرا (معلهش مشّيها قفاهم المرّة دي) وبيدعي لهم بإن ربنا يرزقهم بالـ"نيلة" .. شوف الحُنيّة .. شوف الإنسانيّة .. جاته ستين "نيلة" إن شاء الله.

وبعدين – بصراحة كده – أنا مش مع الاقتراحات المطروحة على الساحة الآن واللي بتطالب بتغليظ عقوبة المتقاعسين عن الانتخابات .. مش كفاية أبداً غرامة 500 جنيه .. ومش كفاية يبقوا منبوذين وطوب الأرض بيشتمهم .. ومش كفاية نسحب منهم الجنسيّة المصريّة .. ومش ح نستنى لمّا القيامة تقوم وربنا يعذّبهم في الدرك الأسفل من جهنم .. أنا رأيي إن الممتنعين عن التصويت (خصوصاً اللي بيقولوا عليها انتخابات وهميّة وتمثيليّة سخيفة) نرجمهم بحجارةٍ من سجّيل وبعدين نقطع أيديهم وأرجلهم من خلاف ثم يتم حرقهم في أفران الغاز وفي الآخِر ناخد الرماد بتاعهم نرميه في خرارة "مرتضى منصور" ("نيّله" الله وأكرمه) علشان البلد تنضف منهم .. بس الحاجات دي ح تكلّف خزينة الدولة كتير على ناس ما يستاهلوش .. علشان كده أنا باقترح إننا نجبرهم يتفرّجوا يومياً على برنامج "أحمد موسى" (عليه "نيلةٌ" من الله هوَّ راخر) .. أظن ما فيش عقاب "أنيل" من كده .. ربنا ما يوْري حد.


google-playkhamsatmostaqltradent