خبر
أخبار ملهلبة

ليلة من الليالي | محمد حمزة

الصفحة الرئيسية

 


ليلة من الليالي

 

 

ليلَة .. م اللَيالي فاتونا

عيني .. لَوْ صَحيح نسيونا

 

زَي ما احنا

زَي ما احنا

رُحتوا .. جيتوا

فاكرين .. نسيتوا

ح تلاقونا يوم ما تيجوا

زَي ما احنا

زَي ما احنا

 

بنَفْس الشوق .. شوق ف القَلب يومُه بسَنة

بنَفْس الحُب .. حُب سنين مَليانة هَنَا

بنَفْس الخوف .. عَليكوا لَـمّا بعِدتوا عَنّنا

بنَفْس اللَهفة .. لَـمّا كُنتوا زَمان جَنْبِنا

 

قاعدين لَيالي مستنيينكُوا

والدُنيا صَعْبَة ف البُعد عَنكوا

وتعِبنا يا احنا .. وزَي ما احنا

رُحتوا .. جيتوا

فاكرين .. نسيتوا

ح تلاقونا يوم ما تيجوا

زَي ما احنا

زَي ما احنا

 

ف نَفْس اليوم .. يوم يا حَبيبي ما شُفنا بَعْضِنا

بقى لنا سنين .. ف نَفْس اليوم نولّع شَمعِنا

نسهَر نستَنّى .. نقول ح تيجوا تزوروا عِشّنا

يفوت اليوم .. وتبات دموعنا عَلى خَدِّنا

 

قاعدين لَيالي مستنيينكُوا

والدُنيا صَعْبَة ف البُعد عَنكوا

وتعِبنا يا احنا .. وزَي ما احنا

رُحتوا .. جيتوا

فاكرين .. نسيتوا

ح تلاقونا يوم ما تيجوا

زَي ما احنا

زَي ما احنا

 

 

محمد حمزة


google-playkhamsatmostaqltradent