خبر
أخبار ملهلبة

مرسال الهوى | حسين السيد

الصفحة الرئيسية

 


مرسال الهوى

 

 

يا ليل انا حَبّيت يا ليل .. يا ليل

وانا عُمْري ما حَبّيت يا ليل .. يا ليل

بَصّيت لَقيت الشوق

خَدني ف ساعِة شوق

جِبنا النُجوم مِن فوق

وعَمَلنا مِنهم بيت

 

يا قَلبي عيش وارتاح .. وارتاح

جَنّة حَبيبي بَراح .. بَراح

 

يا مِرسال الهَوى روح بَلّغُه مِرسالي

مِرسالي شوق ومحَبّة أقوى م اللَيالي

لَيالي والله ما كانت تُخْطُر يوم على بالي

 

حَبيبي .. حَبيبي

دَمْعي ف غيابَك دَوا عيني .. دَوا عيني

ولُقانا .. لُقانا

بيفَتّح وَرْدى وياسميني .. وياسميني

 

يا للعَذاب الحِلْو  

يا للجمال والحُب

يا للأَمَل والفِكْر

اللى مدَوِّبني لَيالي

 

حبيبي يا ..

يا أَحْلى فِكْر بيشْغِلني في أَجْمَل يوم

حياتي يا ..

يا أَجْمَل طيف بيحرِمني ساعات النوم

وهيّا العين بَعد ما شُفْتَك قُلت: ليه عايزَة تنام ليه؟ ..

.. هيّا الأَحْلام ح توَرّيني أَجْمَل مِن حُبّك إيه؟

 

يا قَلبي عيش وارتاح .. وارتاح

جَنّة حَبيبي بَراح .. بَراح

 

يا حَبيبي يا منَوّر بالحُب ف حَياتي

حَياتي لَك لوَحْدَك واكْتَر مِن حياتي

 

حَبيبي .. حَبيبي

دَمْعي ف غيابَك دَوا عيني .. دَوا عيني

ولُقانا .. لُقانا

بيفَتّح وَرْدى وياسميني .. وياسميني

 

يا للعَذاب الحِلْو  

يا للجمال والحُب

يا للأَمَل والفِكْر

اللى مدَوِّبني لَيالي

 

 

حسن السيد


google-playkhamsatmostaqltradent