خبر
أخبار ملهلبة

شغلانة التُربي بقت حاجة ترد الروح | كلّه فان

 

مسؤول بالحي يطلب رشوة 150 ألف جنيه لتعيين شاب في وظيفة مساعد حانوتي

كلمة ونص

كلّه فانٍ

 

 

أنا اسمع عن رشاوي من 30 إلى 50 ألف جنيه للتعيين في شركات الكهربا والاتصالات والبترول لإن المرتبات في الجهات دي بتبقى عالية .. إنما شاب يدفع 150 ألف جنيه علشان يتعيّن مساعد تربي (حتى مش تربي سِنيور أو كبير التُربيّة) كده أوووفر .. معنى كده إن مساعد التربي ده بيكسب قد مهندسي البترول مثلاً تلات مرّات .. ما شاء الله .. اللهمَّ لا حسد .. أومّال التربي نفسه بياخد كام؟

وأنا في هاذوها المناسبة أحب اعتذر لبنتي الصيدلانية وابني طالب بكالوريوس الطب لإني خسّرت أخلاقهم وربّيتهم غلط ودمّرت مستقبلهم .. وأحب انصح كل أب وأم بعدم التعب والشقا وصرف كل هذه الأموال في تعليم أولادهم اللي روخرين بيشربوا المُر في المدارس والجامعات علشان ياخدوا ملاليم في الآخر .. وحدوووووووووه.

google-playkhamsatmostaqltradent