خبر
أخبار ملهلبة

وينفلت من بين إيدينا الزمان | سيد حجاب

الصفحة الرئيسية



وينفلِت من بين إيدينا الزمان

 

 

وينفلِت من بين إيدينا الزمان

كأنه سَحبِة قوس ف أوتار كمان

وتنفرط الايّام.. عقود كهرمان

يتفرفط النور.. والحنان.. والأمان

وينفلِت من بين إيدينا الزمان

*

الشر.. شرق وغرب.. داخل ف حوشنا

حوشوا.. لريح شاردة تقشقش عشوشنا

حوشوا.. شرارة تطيش.. تشقق عروشنا

وتغِشنا المرايات.. تشوّش وشوشنا

وتهيل تراب ع الهالة والهَيلمان

وينفلت من بين إيدينا الزمان

*

الغش طرطش.. رَش ع الوِش بوية

ما دريتش مين بلياتشو.. أو مين رزين

شاب الزمان.. وشقيقى مش شكل ابويا

شاهت وشوشنا.. تُهنا بين شين وزين

ولسه ياما وياما ح نشوف كمان

وينفلت من بين إيدينا الزمان

 

 

سيّد حجاب

google-playkhamsatmostaqltradent